Foto: Mail.kz
Májilis depýtaty Aidos Sarym Aqparat ministrli Aida Balaevaǵa saýal joldap, elimizde sońǵy jyldary keńinen taralyp ketken ezoterikalyq jáne psevdopsihologiialyq jalǵan ilimderge alańdaýshylyq bildirdi, dep habarlaidy Ult.kz.
Onyń aitýynsha, jalǵan diplom jasap alyp, ózderin «akademiia», «halyqaralyq uiym» atynan tanystyratyn baqsy-balgerler, trenerler men koýchterdiń sany kún saiyn artyp keledi.
Depýtat kez kelgen saitty nemese áleýmettik jelini ashsań, «barlyq qupiiany biletin», «adam janyn tolyq ashatyn» mamansymaqtardyń kýrs, seminar, kezdesý ótkizip jatqanyn atap ótti.
«Muny jai ǵana jeke adamdardyń tańdaýy dep aita almaimyz. Rýhani alaiaqtar memlekettik mekemeler men kvazimemlekettik uiymdarǵa deiin jetip, bul memlekettik ári qoǵamdyq problemaǵa ainaldy», – dedi ol.
Aidos Sarym mysal retinde elimizde jii taralyp jatqan «Siýtsai» atty kýrstardy atady. Túsindirýinshe, bul baǵyt ózin «ishki áleýetti ashatyn sandyq psihologiia» dep tanystyrǵanymen, shyn máninde ǵylymi negizi joq, ezoterikalyq ári dini sipattaǵy kommertsiialyq jobaǵa ainalǵan.
«Siýtsai ataýyn jamylǵan toptar jabyq formatta shara ótkizip, óz ýaǵyzdaryn taratyp júr. Olardyń kóbi litsenziiasyz, sertifikatsyz, múldem tirkelmegen uiymdar men tulǵalar», – dedi depýtat.
Onyń pikirinshe, mundai jalǵan ilimder qoǵamnyń sanasyn ýlap qana qoimai, ulttyq qaýipsizdikke deiin áser etýi múmkin. Sondyqtan bul salaǵa memlekettik deńgeide naqty baqylaý men retteý qajet.
