Bilim jáne ǵylym vitse-ministri Rústem Biǵari diplom satatyn resýrstardan, iaǵni alaiaqtardan saq bolýǵa shaqyrady, dep habarlaidy "Ult aqparat".
«Biz internette diplom satatyn resýrstarǵa árdaiym monitoring júrgizip otyramyz. Olardy tapqan kezde birden dabyl qaǵyp, arnaiy organdarǵa jiberemiz. Osylaisha domen óshiriledi. Jarnama jarqyraǵan ádemi diplomdardy, baǵalardy, qandai da bir akkreditatsiialardy kórsetedi. Dostar, abai bolyńyzdar», - dep jazdy vitse-ministr Facebook paraqshasynda.
Jazbadan túsingenimiz, saittyń ataýy - Diplomas Universities of Kazakhstan nemese kmiparasat.kz.
Vitse-ministrdiń habarlaýynsha, joǵary oqý oryndary beretin diplomnyń bári tirkeledi.
«Búkil diplom bizdiń bazada saqtalady. Adamnyń diplomynyń shyn-ótirigin anyqtaý qiyn da emes. Alaiaqtardan abai bolyńyz», - dep jazady Rústem Biǵari.
