Foto: Ashyq derekkóz
Qazaqstanda alaiaqtar endi memlekettik qyzmet isteri agenttiginiń basshylyǵynan kelgen habarlamalar retinde jalǵan habarlamalar taratyp jatyr, dep habarlaidy vedomstvonyń baspasóz qyzmeti.
"Memlekettik qyzmet isteri agenttigi Telegram jáne WhatsApp messendjerlerinde jalǵan akkaýnttar ashyp, agenttik tóraǵasy Darhan Jazyqbaidyń atynan habarlamalar taratqan alaiaqtar týraly eskertedi", – delingen vedomstvonyń habarlamasynda.
Belgisiz tulǵalar qandai da bir málimetterdi alý arqyly alaiaqtyq áreketter jasaýǵa tyrysyp jatqany túsindiriledi.
Agenttik qazaqstandyqtardy jalǵan habarlamalarǵa senbeýge, jaýap bermeýge jáne kúmándi siltemelerge ótpeýge shaqyrady.
Eske salaiyq, buǵan deiin qazaqstandyqtarǵa alaiaqtyqtyń jańa túri týraly eskertildi. Quzyrly organdardyń aitýynsha, alaiaqtar Antikor simvolikasy bar jalǵan qujattar men habarlamalar jiberip jatyr. Sybailas jemqorlyqqa qarsy qyzmetiniń málimetinshe, túrli alaiaqtar WhatsApp, Telegram jelilerinde áreket etedi.
