ShQO-da jergilikti BAQ basshylary men memlekettik organ ókilderi qatysqan aqparattyq keńes barysynda aimaq basshysynyń orynbasary Jaqsylyq Omar basqarma basshylaryna tilshilermen jedel ári tyǵyz jumys isteýdi tapsyrdy.
Keńes otyrysynda málim bolǵandai, oblystyq basqarmalardyń kóbi BAQ ókilderine qajetti aqparat tapsyrmai, usynys hattaryna jaýap bermei kelgen. Sonyń ishinde Tabiǵi monopoliialardy retteý jáne básekelestikti qorǵaý komitetiniń ShQO boiynsha departamenti, Bilim basqarmasy gazetter men tilshilerdiń tikelei saýalyna, tipti resmi hattaryna túrli syltaý aityp, aqparattar tapsyrmaǵan.
– Turǵyndarǵa dáiekti, shanaiy aqparattardy taratý úshin oblystyq basqarmalar BAQ ókilderimen tyǵyz jumys jasaýy qajet. Tikelei qoiylǵan saýaldarǵa jaýap berip, suraǵan aqparattaryn tabystap otyryńyzdar, – dedi Jaqsylyq Omar.
Keńes sońynda ákim orynbasary BAQ ókilderine eger qandai da bir basqarma basshysy saýalǵa jaýap berýden bas tartqan jaǵdaida, maqalaǵa dál solai «saýalǵa jaýap berýden bas tartty» dep jariialaýdy usyndy.
