Foto: #NeMolchiKZ instagram paraqshasynan skrinshot
#NeMolchiKZ qory Iana esimdi boijetkenniń ólimine qatysty rezonansty oqiǵany baiandady. Qordyń málimetinshe atalǵan qylmystyq is boiynsha sot otyrysy jalǵasýda. Prokýror sotta aiyptalýshy Rizýan Hairjanov pen Altynbek Katimovtyń bir-birimen jazysqan hattaryn oqyp bergen. Hattyń mazmuny kópshiliktiń jaǵasyn ustatty. Bul týraly Ult.kz habarlaidy.
Tergeý dereginshe, ekeýi qylmysty aldyn ala muqiiat josparlap, eshqandai iz qaldyrmaýǵa tyrysqan.
Prokýrordyń aitýynsha, olardyń jospary sýyqqandy jáne eseppen qurylǵan. «Minsiz qylmys» jasaýǵa tyrysqan aiyptalýshylar kýágersiz, hat almasýsyz, aiǵaqsyz áreket etýdi kózdegen.
Alaida bári oilaǵandai bolmaǵan.
Qylmystyń betin ashýǵa Iananyń anasy Galina Legkodimova úlken úles qosty dep otyr qor.
#NeMolchiKZ-diń jazýy boiynsha qyzy joǵalyp ketken soń, ol úiinen Iananyń ústel ústinde jatqan kúndeligin taýyp alǵan. Buǵan deiin qyzy eshqashan kúndelik júrgizbegen. Degenmen, ol ólerinen alty kún buryn kúndelik jazýdy bastapty. Galina sondai-aq qyzynyń alǵash ret bir jigitpen kezdesip júrgenin jáne onyń atyn da bilgenin aitqan.
Bastapqyda Iananyń telefonyn teksergende, WhatsApp-ta Rizýan Hairjanov esimi joq bolyp shyqqan — iaǵni olardyń bailanysy eshqashan bolmaǵandai kóringen. Biraq tergeý toby bul kedergini ainalyp ótip, óshirilgen hattardy «VKontakte» jelisinen qalpyna keltire alǵan.
Fotolar: #NeMolchiKZ instagram paraqshasynan skrinshot
Ianany ne úshin óltirdi?
Qordyń jazýynsha Rizýan men Iana 2024 jyldyń maýsym aiynda kezdese bastaǵan. Shilde aiynda Iana onyń basqa da qyzy bar ekenin bilgen. Sol kezde Iana: «Ary qarai aldaý durys emes, bárin sol qyzǵa aitý kerek», – degen. Iana úshin bul — ómirindegi alǵashqy mahabbat bolǵan.Qazannyń 8-inen 9-yna qaraǵan túni Rizýan Hairjanov dosy Altynbek Katimovqa Ianany óltirýdi usynǵan.
"Sebebi olar solai istei aldy. Sebebi olarǵa báribir boldy. Olar 8 qazanda qatygez ári tsinizmge toly sheshim qabyldap, 18-inen 19-yna qaraǵan túni josparlaryn oryndady. Rizýan Hairjanov pen Altynbek Katimov óz kinásin moiyndady. Ianaǵa shyn máninde ne istegenderi – ony mazaq etti me, azaptady ma, zorlady ma, qandai kúide bolǵan, qalai qarsylasqan – munyń bári belgisiz. Sebebi Iananyń denesi 8 ai men 2 kúnnen keiin ǵana tabyldy. Anasyna qyzynyń denesin pakettegi súiek túrinde qaitaryp bergen…", - dep jazady #NeMolchiKZ qory.
Foto: #NeMolchiKZ instagram paraqshasynan
19 qazan kúni Iananyń qatygezdikpen óltirilgenine týra bir jyl tolady eken. Iananyń anasy Galina #NeMolchiKZ qorynyń paraqshasyna burynnan jazylǵan kórinedi.
"Ol uzaq ýaqyt boiy jazbalarymyzdy oqyp, pikir qaldyryp júrdi, biraq eshqashan bir kúni kómek surap bizge júginýge týra keledi dep oilamaǵan", - dep jazǵan #NeMolchiKZ qory oqyrmandardan Galinaǵa qoldaý kórsetýdi suraidy.
Qor deregi boiynsha Iana 2001 jylǵy 31 shildede Batys Qazaqstan oblysy, Aqjaiyq aýdanyndaǵy Chapaevo aýylynda dúniege kelgen. Ol mektepti úzdik attestatpen támamdap, Atyraý Munai jáne gaz ýniversitetine grantpen oqýǵa túsken. Mamandyǵy — «munai-gaz isi». Anasy Galinamen birge Atyraýǵa qonys aýdarǵannan keiin, Iana oqýyn magistratýrada jalǵastyrdy. Ótken jyly ol magistr dárejesin alyp, doktorantýraǵa túsýge daiyndalyp júrgen edi.
