Senator Nurlan Qylyshbaev 2022 jyly jinaqtalǵan zeinetaqy qarajatyn alýdyń jetkiliktilik shegin kóterý týraly aitty. Senatordyń aitýynsha, zeinetaqy jinaqtaryn alyp tastaý qazaqstandyqtardyń baǵdarlamaǵa degen senimine nuqsan keltiredi, - dep habarlaidy Tengrinews.kz agenttigi.
Senator premer-ministr Asqar Maminge depýtattyq saýal joldady. Qylyshbaev Memleket basshysy zeinetaqy shottarynan artyq jinaqtaryn alý múmkindigi berilgen azamattardyń sheńberin kezeń-kezeńimen keńeitýdi tapsyrǵanyn eske saldy. Biraq qazirgi ýaqytta, qoǵamda talqylanyp jatqan shekti somalardyń aldaǵy qaita eseptelýi, kerisinshe, jinaqtaryn paidalana alatyn adamdardyń sanyn azaityp otyr.
"Óz jinaqtarynyń bir bóligin paidalana alatyn BJZQ salymshylarynyń sany endi kúrt tómendeýi múmkin. Eger 2021 jyly olardyń sany 700 myńnan astam Qazaqstan azamaty bolsa, 2022 jyly bul san túbegeili ózgeredi. Óitkeni jetkiliktilik shegi eń jas qatysýshylar úshin 63 paiyzdan 82 paiyzǵa deiin ósti. Qazirgi jaǵdai bul baǵdarlamanyń senimdiligine nuqsan keltiredi", - dedi depýtat Qylyshbaev Senat otyrysynda.
Osyǵan bailanysty senator Ministrler Kabinetiniń basshysynan jyldyq infliatsiia deńgeiinen aspaityn shekti ulǵaitý múmkindigin qarastyra otyryp, eń tómengi jetkiliktilik shegin esepteý ádistemesine ózgerister engizý máselesin qarastyrýdy surady.
