Shyǵys Qazaqstan oblysynyń Zaisan aýdanynda «Shilikti» sapar ortalyǵy salynady. Bul týraly Berel qoryq mýzeii habarlady.
Búgin «Berel» memlekettik tarihi-mádeni qoryq-mýzeiiniń direktory Nurbolat Ahmetjanov Zaisan aýdanynyń ákimi S Zainýldinniń qabyldaýynda bolyp «Shilikti» sapar ortalyǵynyń ornalasatyn jeri boiynsha kelissózder júrgizdi.
QR Mádeniet jáne sport ministrliginiń qoldaýymen boi kóteretin ǵimarat «Berel» memlekettik tarihi-mádeni qoryq-mýzeiine qarasty Shilikti qorǵandaryn kórýge kelýshilerdiń sanyn arttyrý, týristerge keńinen nasihattaý jáne jailylyqty qamtamasyz etý maqsatynda qolǵa alynǵan. Sapar ortalyǵynda zamanaýi úlgide jabdyqtalǵan mýzei zaly, qonaq úi ǵimaraty jáne aqparattyq-nasihattyq ortalyq syndy birqatar bólimder qarastyrylǵan.
Sondai-aq, «Berel» memlekettik tarihi-mádeni qoryq-mýzeii« RMQK direktory Nurbolat Ahmetjanov qoryq-mýzeige qarasty Zaisan aýdanyndaǵy Shilikti qorǵandaryna baryp, tarihi mekende atqarylyp jatqan jumystar men aldaǵy josparlar týraly keńes ótkizdi.
Zaisan óńirinde 6 tarihi, 21 mádeni - arhitektýralyq, 8 arheologiialyq eskertkishter tirkelgen. Ólkedegi tarihi eskertkishterdiń biri de biregeii - Shilikti qorǵandary.
Shilikti qorymy Zaisan aýdany, Shilikti aýylynyń ońtústik batysynan
Shilikti jazyǵy saqtardyń alǵashqy memleketiniń ordasy tigilgen qasietti meken. Shilikti erte saqtar zamanyndaǵy elitarlyq eskertkishterdiń biregeii.
Tabiǵattyń úilesimdi áseriniń jáne adamnyń ǵasyrlar boiy qyzmetiniń saldarynan paida bolǵan tarihi-mádeni landshaft aimaqtyń basty qundylyǵy bolyp tabylady. Onyń eń kóp shoǵyrlanǵan jerin Shilikti eskertkishteri dep ataidy. Shilikti obasy b.z.b. VII-VI ǵasyrǵa jatqyzylady.
Shilikti qorymynda barlyǵy 51 oba bar.
