Foto: muslim.kz
Jelide Astana qalasynyń Bas imamynyń záýlim úii men tórt áieli bar ekeni jaily video taraǵan, oǵan Bas imam Erbolat Júsipovtiń ózi jaýap berip, aqparattyń jalǵan ekenin aitty, dep habarlaidy Ult.kz.
Videoda er adam záýlim saraidyń aspazyn taksi júrgizýshisi retinde qyzmet kórsetkeni aitylady. Buny elordanyń Bas imamy Islam dinine jáne dinniń ainalasynda júrgen azamattarǵa kúie jaǵý dep esepteidi.
"Assalaýmaǵaleikúm! Qurmetti, baýyrlar! Qadirli musylman jamaǵat! Qazir áleýmettik jelide Islam dinine jáne dinniń ainalasynda júrgen azamattarǵa kúie jaǵý máselesi beleń aldy. Ondai adamdar tym shekten shyqty dep aitýǵa bolady. Eń áýeli Alla olarǵa hidaiat bersin deimiz. Feisbýk, tiktok áleýmettik jelisinde belgisiz bir azamat jalǵan akkaýnt arqyly «Mynaý turǵan záýlim úi Astana qalasynyń bas imamynyń úii» degen mazmunda video bólisken. Bul múldem shyndyqqa janaspaityn ótirik aqparat ekendigin qaperlerińizge salamyn", -deidi Bas imam.
Foto: Erbolat Júsipov feisbýk paraqshasynan
Alla elshisi: «Senderdiń aralaryńdaǵy Alla Taǵalaǵa eń jek kórinishtileriń ósek taratyp, adamdar arasyna iritki salyp, alaýyzdyqqa aparatyndaryń»-degen sózdi mysalǵa keltirgen Erbolat Júsipov arandatýshylardyń ósek-aiańynan saqtanýǵa shaqyrdy.
"Men, Erbolat Júsipov Astana qalasynyń Bas imamy retinde beine materialda taraǵan aqparattyń shyndyqqa janaspaitynyn málimdeimin", -dep sózin qorytyndylady ol.
