Foto: instagram.com/adiletkhan
Almatyda belgili zańger ári áleýmettik jelide belsendi quqyq qorǵaýshy Ádilethan Moldahan 10 táýlikke ákimshilik qamaýǵa alyndy, dep habarlaidy Ult.kz.
Buǵan deiin oǵan «jalǵan aqparat taratty» degen kúdik taǵylǵany habarlanǵan edi.
Zańger áleýmettik jelide Ál-Farabi dańǵylyndaǵy jol-kólik oqiǵasyna qatysty video jariialaǵan. Qazirgi ýaqytta osy fakti boiynsha Almaty politsiiasy sotqa deiingi tergeý júrgizip jatyr.
Ádilethan Moldahannyń jubaiy Baqyt Musabekovanyń aitýynsha, zańgerdi úiinde otyrǵan jerinen politsiia departamentine shaqyrǵan. Keiin sot ony 10 táýlikke qamaý týraly sheshim shyǵarǵan.
– Biz sottan ony úi qamaýyna jiberýdi suradyq. Alaida bul ótinish qanaǵattandyrylǵan joq. Qazir oǵan «jalǵan aqparat taratty» degen aiyp taǵylyp otyr. Biz istiń anyq-qanyǵy anyqtalady dep úmittenemiz, – dedi ol.
Aita keteiik, buǵan deiin belgili zańger ári bloger Ádilethan Moldahannyń ustalǵany týraly aqparat taraǵan bolatyn.
