Jambyl oblysynda jubaiynyń mazasyn alyp, qaita-qaita qońyraý shalǵan er adam 10 táýlikke qamaýǵa alyndy, dep habarlaidy ult.kz.
Moiynqum aýdandyq sotynyń málimetinshe, 2026 jyldyń maýsymynda azamatsha D politsiiaǵa qońyraý shalyp shaǵymdanǵan. Aitýynsha, onyń zańdy jubaiy S turǵylyqty jerine kelip, oǵan birneshe ret qońyraý shalyp, osylaisha tynyshtyǵyn buzǵan. Óz áreketterimen S turmystyq zorlyq-zombylyq oqiǵalarynan keiin sol aida berilgen qorǵaý nusqamasyn buzǵan. Azamat S qorǵaý nusqamasyn buzyp, jubaiyna habarlasa bergen.
Sot ákimshilik quqyq buzýshylyq týraly isti qarady (ÁQBtK 461-babynyń 1-bóligi). Kiná taraptardyń aiǵaqtarymen, hattamamen jáne istiń basqa da materialdarymen dáleldendi.
"Sotta quqyq buzýshy óz kinásin tolyq moiyndady. Sot kináni moiyndaýyn jáne jasaǵan isine ókinish bildirýin jeńildetetin mán-jailar retinde tanydy. Aýyrlatatyn mán-jailar anyqtalǵan joq. Sot qaýlysymen S Ákimshilik kodekstiń 461-babynyń 1-bóligi boiynsha kináli dep tanylyp, oǵan 10 táýlik ákimshilik qamaqqa alý túrindegi jaza taǵaiyndaldy. Qaýly zańdy kúshine endi", – delingen habarlamada.
