Foto: skrinshot
Kúni keshe Qazaqstannyń Halyq ártisi Maqpal Júnisova 62 jasqa toldy. Týǵan kúnin anasynyń, jaqyndarynyń janynda toilaǵan ánshi áleýmettik jelige de kóp estelikterin salǵan, dep jazady Azattyq Rýhy.
Maqpal Júnisova toqsan jasqa taiaǵan anasynyń ony quttyqtaǵan sátinen birneshe video túsirip alyp, ony aina-qatesiz, iaǵni, montajdamai jeke paraqshasyna júktegen. Odan basqa Maqpal Júnisova jas kezindegi sýretin, mádeniet jáne aqparat ministri Aida Balaevanyń quttyqtaýyn, qurby-qurdastarynyń úiine quttyqtap kelgen videolaryn jariialaǵan.
Al, ónerdegi ózinen úlken-kishi áriptesteriniń quttyqtaý videolaryn júktegen Maqpal Júnisova ol kadrlardy marqum Zamanbek Nurqadilovpen neke qidyrǵan sátindegi sýretimen bastaǵan. Bul sýretti ánshi osydan bes jyl buryn bir ret taratyp, alaida, belgisiz sebepterge bailanysty ony joiyp tastaǵan eken.
Al týǵan kúnine arnalǵan videolar arasynda osy fragmentti kórsetken ánshi kópshiliktiń ystyq yqylasyna bólenip jatyr.
