QR Ulttyq kardiohirýrgiialyq ortalyǵynyń basqarma tóraǵasy Iýrii Pia 5 adamnyń ómirin qutqarǵan donor týraly aityp berdi, dep habarlaidy QazAqparat.
Buǵan deiin insýltten qaitys bolǵan er adamnyń aǵza músheleri 5 adamǵa sátti aýystyrylǵany habarlanǵan edi .
«30 jastaǵy er adamnyń mi tamyrlary jarylyp, Pavlodar qalasynyń №1 aýrýhanasyna túsken. Saldarynan miǵa óte kóp qan quiylǵan jáne jumysy nasharlaǵan. Oǵan deiin marqum joǵary qan qysymymen aýyrǵan, gipertoniialyq qysymy bolǵan. Shamasy ózi aýrýdy elep-eskermei júre bergen bolýy kerek», - dedi Iýrii Pia kardiohirýrgiialyq ortalyqta ótken baspasóz máslihatynda.
Dárigerdiń sózine qaraǵanda, 2019 jyldyń tamyzynan beri qaitys bolǵan adam organdarynan transplantatsiia jasalmaǵan. Sondyqtan ol marqumnyń aǵza múshelerin alýǵa kelisim bergen týystary men jaqyndaryna 5 adamǵa jańa ómir syilaǵany úshin alǵys aitty.
«Bizdiń ortalyqta marqumnyń júregi men ókpesi eki naýqasqa salyndy. Júrek 35 jastaǵy er adamǵa berilse, ókpe - 41 jastaǵy áielge jańa ómir syilady. Odan bólek, qos búiregi elordanyń taǵy bir ortalyǵynda eki naýqasqa sátti ornalastyryldy. Al baýyr Almatydaǵy naýqasqa jiberildi. Osylaisha, karantin jaǵdaiyna qaramastan, 5 adamǵa sátti ota jasaldy», - dedi Iu. Pia.
