QR Tótenshe jaǵdailar ministri Iýrii Ilin jańajyldyq shyrshany sándeýge arnalǵan quraldardy arnaiy sertifikaty men satýǵa ruqsaty bar dúkennen alýǵa keńes berdi, dep habarlaidy QazAqparat.
«Jańa jyldyq shyrshany ornatqanda girlianda jáne basqa da sándik quraldardy arnaiy sertifikaty men satýǵa ruqsaty bar dúkennen satyp alǵan jón. Feierverk, bengal maishamy nemese otshashýdy ǵimarattyń ishinde atýǵa bolmaidy. Otshashýdy turǵyn úi men adamdar aýlaq jerde atqan durys. Jáne qaýipsizdik erejerelerin saqtaǵan abzal. Sonymen qatar pirotehnikany balalardan aýlaq ustaý kerek», - dedi Iu. Ilin ortalyq kommýnikatsiialar qyzmetinde ótken baspasóz máslihatynda.
Onyń aitýynsha, pirotehnikany qoldaný erejesin saqtamaý, qaiǵyly jaǵdaiǵa ákelýi ábden múmkin.
«Jyl saiyn jańa jyldy qarsy alǵannan keiin pirotehnikadan zardap shegýshilerdiń statistikasyn anyqtap jatamyz. Sondyqtan jańa jyl qarsańynda jeke bas qaýipsizdigin oilaǵan jón», -deidi ol.
