Foto: ru.haberler.com
Túrkiianyń Ystambul qalasynda Qazaqstan azamaty qarýly shabýyldyń qurbany boldy, dep habarlaidy Ult.kz.
Haberler.com saitynyń málimetine sáikes, jeke logistikalyq kompaniiada kýrer bolyp jumys istegen Arif Ismailovqa belgisiz adam kóshede oq jaýdyrǵan. Oqiǵa shamamen saǵat 16:30 kezinde bolǵan.
Aýyr jaraqat alǵan azamat aýrýhanaǵa jetkizilgenimen, dárigerler onyń ómirin saqtap qala almady.
Ystambul politsiiasy jedel áreket etip, aldymen kúdiktiler mingen kólikti anyqtaǵan. Keiin drondardyń kómegimen olardyń ornalasqan jeri tabylyp, eki adam ustaldy. Kúdiktilerdiń Grýziia azamattary ekeni belgili boldy. Tergeý derekterine sáikes, olar elden qashyp ketpek bolǵan.
Qazirgi ýaqytta qylmystyń sebebi anyqtalyp jatyr.
