Foto: X/Janibek Alimkhanuly
World Boxing Organization qazaqstandyq orta salmaqtaǵy álem chempiony Jánibek Álimhanulyna tyiym salynǵan meldonii zaty boiynsha oń nátije kórsetken doping synamasyna bailanysty bir jyl merzimge jarystardan shettetý jazasyn qoldandy, dep habarlaidy Ult.kz Sports.kz-ke silteme jasap.
Sonymen qatar chempiondyq ataqtary sportshynyń ózinde qaldyryldy.
Shettetý merzimi ishinde qazaqstandyq boksshyǵa kez kelgen kásibi nemese kórme jekpe-jekterine qatysýǵa tyiym salynady. Orta salmaqtaǵy básekelestikti saqtaý jáne reitingtegi úmitkerlerdiń quqyqtaryn qamtamasyz etý maqsatynda WBO ýaqytsha chempiondyq ataq úshin jekpe-jek ótkizýge ruqsat berdi. Reitingtiń birinshi satysyndaǵy Denzel Bentli ekinshi orynda turǵan Endi Saavedramen qolǵap túiistiredi.
Uiym sondai-aq shettetý merzimi aiaqtalǵannan keiin Jánibek Álimhanuly ýaqytsha chempionmen mindetti túrde jekpe-jek ótkizýge tiis ekenin rastady. Bul talap oryndalmaǵan jaǵdaida uiym reglamentine sáikes qosymsha sharalar qabyldanýy múmkin. Atalǵan sheshimge deiin aralyq kezdesý ótkizýge jol berilmeidi.
WBO prezidenti Gýstavo Oliveridiń málimdeýinshe, Chempiondyq jekpe-jekter jónindegi komitet sheshimdi biraýyzdan qabyldaǵan. Jaza merzimi 2025 jylǵy 2 jeltoqsannan bastap esepteledi. Tolyq qorytyndylar men talaptar kórsetilgen resmi qujat keiinirek jariialanady.
Eske salaiyq, 2025 jylǵy jeltoqsan aiynyń basynda WBA chempiony Erislandi Laramen úsh birdei belbeý úshin josparlanǵan jekpe-jek qarsańynda qazaqstandyq sportshynyń synamasynan antidoping kodeksimen tyiym salynǵan meldonii zaty anyqtalǵany belgili bolǵan edi.
Jánibek Álimhanuly WBO reitingisinde áli kósh bastap tur.
