Mádeniet jáne sport ministri Aqtoty Raiymqulova elimizde dopingke qarsy sharalardy kúsheitý jumystary qalai júzege asyrylyp jatqanyn aityp berdi, dep habarlaidy QazAqparat.
«Doping qoldanatyn sportshylar men bapkerlerge, basshylarǵa ákimshilik jáne tártiptik jazalar qataidy. Ol boiynsha diskvalifikatsiialaý, aqshalai syiaqyny qaitaryp alý, Olimpiada jeńimpazdaryna berilgen turǵyn úidi qaitaryp alý, materialdyq qamtamasyz etý tólemderin toqtatý, sporttyq ataqty qaitarý sekildi sharalar qoldanylady. Sportshyǵa doping taǵaiyndaǵandarǵa 200 AEK kóleminde aiyppul salynady. Sport salasyndaǵy biýdjetten tys qarajatty taratý boiynsha biryńǵai operator taǵaiyndaldy», - dedi Aqtoty Raiymqulova OKQ alańy arqyly halyq aldynda esep berý kezdesýinde.
Aqtoty Raiymqulova 2016 jyldan bastap sportshylardyń dopingke qarsy zerthanasy Dúniejúzilik antidoping agenttiginiń (World Anti-Doping Agency — WADA) akkreditatsiiasynan aiyrylǵanyn málim etti.
«Mádeniet jáne sport ministrligi Ulttyq olimpiada komitetimen birlesip, ony qalpyna keltirý boiynsha aýqymdy jumys atqardy. Qazirgi tańda zerthana aýmaǵy 1700 sharshy metrlik jańa ǵimaratqa kóshirildi. WADA standartyna sai jańa qurylǵylar alyndy. Birlesken jumystyń arqasynda zerthana WADA akkreditatsiialary qalpyna keltirilýi múmkin tizimge endi», - dedi Aqtoty Raiymqulova.
