Sandýǵash Dúisenova. Foto jýrnalistiń Facebook-paraqshasynan
Ishki ister ministriniń orynbasary jýrnalist Sandýǵash Dúisenovanyń ustalýyna qatysty pikir bildirdi, - dep habarlaidy Tengrinews.kz saity.
Úkimet kýlýarynda jýrnalister Ishki ister ministriniń birinshi orynbasary Marat Qojaevqa politsiiadaǵy túsirilimniń zańdylyǵy týraly suraq qoidy. Aita keteiik, buǵan deiin BAQ pen áleýmettik jelilerde politsiia qyzmetkerleriniń jýrnalisti ustaý kezindegi "zańsyz áreketteri" týraly aqparat taraǵan bolatyn.
"Taraǵan aqparatqa keletin bolsaq, áńgime azamatty jeke tintý tártibi týraly bolyp otyr. Bul tergeý áreketi Qylmystyq is júrgizý kodeksimen retteledi, onyń ishinde ǵylymi-tehnikalyq quraldardy qoldaný. Bul, birinshiden, erteń azamat ózinen artyq nárse alyndy, joǵaldy dep aitpamaýy úshin jasalady. Eger adam arnaiy bólimshelerde qalatyn bolsa, oǵan jaraqat saldy dep aitpas úshin. Ol jerde múlde jalańash boldy degenge kelsek, joq. Protsedýra bir jynysty adamdardy tintýdi qarastyrady", - dedi Qojaev jýrnalisterdiń suraqtaryna jaýap bere otyryp.
