Almatynyń bas sanitar dárigeri Jandarbek Bekshin kún sáýlesi koronavirýsqa qalai áser etetinin aitty, dep habarlaidy "Ult aqparat".
«Koronavirýs infektsiiasy tynys alý joldary arqyly kiredi. Virýs adam aǵzasyna teri arqyly emes, shyryshty qabyq arqyly enedi. Adam qolyna virýs tigen jaǵdaida aýzyn, murnyn, kózin jii ustaidy. Halyqaralyq jańalyqtardy kórseńizder, barlyǵy kózáinek taǵady. Ol kózdiń shyryshty qabyǵyn qorǵaý úshin taǵylady», - dedi J.Bekshin.
Bas sanitar dáriger «koronavirýsty kún sáýlesi joia ma?» degen jýrnalisterdiń saýalyna jaýap berdi.
«Bul másele boiynsha tolyq dáleldi zertteýler joq. Tumaý virýsy sáýir-mamyrda báseńsitinin bilemiz. Aýa temperatýrasy kóterilip, kún jylynǵanda tumaý virýsy álsireidi. Al koronavirýs infektsiiasyna kelsek, klimaty ystyq elder Braziliia, Perý, Úndistan, Pákistan elderinde qazir virýs órship tur. Tipti qazir Almatynyń ózinde +30 gradýs ystyqta juqtyrý kórsetkishi tómender emes. Virýsqa ýltrakúlgin sáýle yqpal ete almaidy. Sondyqtan jabyq bólmede uzaq otyrýǵa bolmaidy», - dedi J.Bekshin.
