QR Qarjy ministri Erulan Jamaýbaev kólikterge arnalǵan VIP-nómerlerdi satý qarjysynyń bir bóliginiń biýdjetke túspei qalý oqiǵasyna qatysty túsinikteme berdi, dep habarlaidy "Ult aqparat".
Ortalyq kommýnikatsiialar qyzmetindegi baspasóz máslihaty barysynda BAQ ókilderi tek qana joǵary suranystaǵy nómirlerdi satýdan Shymkentte 44 mln teńge qarjy biýdjetke túspeý oqiǵasyna bailanysty saýal qoiǵan bolatyn.
«Shyndap kelgende bul - biz úshin de óte mańyzdy másele. Ókinishke orai qazirgi ýaqytta tergeý amaldary júrgizilip jatyr. Sondyqtan tergeý múddesine orai, iaǵni aqparatty burmalamaý úshin barlyq tergeý is-sharalaryn júrgizý aiaqtalǵannan keiin ǵana tolyqqandy beremiz», - dep jaýap berdi ministr.
Sonymen qatar ol barlyq mán-jai tergeý barysynda anyqtalatyndyǵyn basa aitty.
«Sodan keiin biz ár fakti boiynsha jeke-jeke aqparat beremiz. Ázirshe eshqandai pikir bildire almaimyn», - dedi Erulan Jamaýbaev.
