Foto: Videodan skrinshot
Vetnamda júrgen qazaqstandyq Ásem Áýbákir 6 naýryzdan beri bailanysqa shyqpai otyr. Bul týraly onyń ápkesi Rýzana Júsipova áleýmettik jeli arqyly aityp, kómek surady, dep habarlaidy Ult.kz.
Onyń sózinshe, 26 jastaǵy Ásem Qazaqstan konsýlymen kezdesý úshin Hanoi qalasyna barýdy josparlaǵan. Alaida áýejaidan shamamen 20 shaqyrym alystaǵannan keiin qyzben bailanys úzilgen. Sodan beri týystary odan esh habar ala almai otyr.
Týystaryna joǵalyp keter aldynda Ásem qatty alańdaǵanyn, bireýler ózin ańdyp júrgendei sezinetinin aitqan.
Qazirgi ýaqytta qyzdyń týystary resmi túrde izdeý jariialai almai otyr. Olar tiisti ótinishti joldaǵanymen, Vetnam biligi ony áli qarap jatyr. Ótinish maquldanǵannan keiin ǵana jergilikti politsiia izdeý jumystaryn bastaidy.
Ásemniń otbasy Vetnamda nemese oǵan jaqyn elderde júrgen qazaqstandyqtardan kómek suraidy. Sondai-aq sol jaqta turatyn tanystary men týystary bar azamattardan da izdeý jumystaryna qoldaý kórsetýdi ótinedi.
Týystary ásirese WhatsApp jáne Telegram jelilerindegi týristik jáne jergilikti toptarǵa nazar aýdarýǵa shaqyrady.
Eger Vetnamda júrgen turǵyndar nemese týristerdiń biri qyzdy kórse nemese ony tabýǵa kómektese alsa, týystary myna nómirge habarlasýdy suraidy: +7 747 219 40 21
