Qazaqstan boks federatsiiasynyń sheshimimen Olimpiadada ádiletsizdike ushyrap, altyndy ala almai qalǵan Vasilii Levit elimiz taǵaiyndaǵan chempionǵa laiyq syiaqyny alady - dep habarlaidy "Ult aqparat".
QBF-nyń málimdeýine qaraǵanda Levit memlekettiń kúmis júldegerge taǵaiyndaǵan 150 myń AQSh dollaryn alady. Buǵan qosa federatsiia óz tarapynan taǵy 100 myń dollar qospaqshy.
"Qazaqstan namysyn abyroimen qorǵaǵan Vasilii Levitke endi elde osyndai qurmet kórsetiledi. Buǵan qosa, arty úlken daýǵa ulasqan jekpe-jek jaiynda taǵy birqatar sharalar qolǵa alynady" -degen federatsiianyń baspasóz qyzmeti bul másele jóninde tolyǵyraq aqparatty keiin beretinin jetkizdi.
Esterińizde bolsa, bokstan 91 kelige deiingi salmaq dárejesinde Olimpiada finalynda qazaqstandyq Vasilii Levit reseilik Evgenii Tishenkomen kezdesken bolatyn. Saiys sheshimi ádiletsizdikpen shyǵarylǵanyn álemdik BAQ jarysa jazyp jatyr. Sodan beri halyqaralyq boks qaýymdastyǵynyń atyna jáne tórelik etken qazylarǵa baǵyttalǵan syn tolastar emes.
Ult portaly
