Kolýmbiia óńiriniń meri Miýriel Baýzer «úi karantini» rejimin 8 maýsymǵa deiin uzartyp, jańa qaýipti koronavirýstyń taralýyn toqtatý úshin aimaqqa kóbirek ýaqyt kerek ekenin málimdedi, dep habarlaidy "Ult aqparat" nbcwashington.com resýrsyna silteme jasap.
Buǵan deiin bul ereje 15 mamyrdan keiin joiylady dep boljanǵan.
«Rejimdi asyǵys alyp tastaý qaiǵyly jaǵdaiǵa ákelýi múmkin. Biz ekonomikamyzdy qalpyna keltirýge tyrysyp jatyrmyz... Biraq virýs ekinshi ret keń tarap ketse, odan da qiyn jaǵdai bolatynyn túsinip otyrmyz», - dedi Baýzer.
Onyń aitýynsha, qala qabyldanǵan erejelerdi kezeń-kezeńimen alýdy sheshse, úi karantini rejimin kez kelgen ýaqytta qaita qaraýǵa bolady.
Jergilikti biliktiń statistikasy boiynsha, Kolýmbiia aimaǵyna qarasty Vashingtonda jalpy COVID-19 juqtyrǵan 6584 adam tirkelip, onyń 350-i qaitys bolǵan.
