№12 qalalyq emhananyń epidemiology Danara Ýkieva koronavirýsqa qarsy vaktsina týraly aitty, dep habarlaidy QazAqparat.
Onyń aitýynsha, aýrýdan keiin antideneler alty ai boiy saqtalady. Vaktsina almai turyp aldymen antidenege IFT-test tapsyrý kerek. Eger vaktsinanyń birinshi dozasyn alǵan naýqas aýyryp qalsa, ekinshisin saldyrý úshin alty ai kútý qajet.
«Eger antideneler sany belgili bir titr mólsherinen asyp ketse, onda vaktsina alýǵa bolmaidy. Al antideneler sany az bolsa vaktsina qajet, áitpese aýyryp qalýyńyz múmkin. Ár aǵzanyń derbes jáne antidenelerdiń joiylý jyldamdyǵy ár túrli ekenin túsiný kerek», – dedi epidemiolog.
Dáriger vaktsinanyń qalai áser etetinin túsindirdi.
«Azamat ekpe pýnktine keledi, kelisimge qol qoiady, terapevtten meditsinalyq tekserýden ótedi jáne osydan keiin ǵana deltoidty bulshyqetke vaktsinanyń birinshi dozasyn alady. Sodan keiin beidj berilip kútý aimaǵyna jiberiledi, onda otyz minýt mamandardyń baqylaýynda bolady»,- deidi ol.
Sonymen qatar, ol vaktsinany 18 jasqa deiingi adamdar, júkti jáne emizetin áielder, allergiialyq reaktsiialar men sozylmaly aýrýlary bar adamdardan basqalar alýǵa tiis.
Eske salsaq, Almatyda qala turǵyndarynyń vaktsina alý naýqany júrip jatyr. Almatylyqtarǵa yńǵaily bolý úshin qalada 211 ekpe pýnkti jumys isteidi. Olar emhana, saýda ortalyqtary, bazar, mektep, mádeniet nysandarynda ornalasqan jáne kún saiyn demalyssyz tańǵy 8-den keshki 20:00-ge deiin jumys isteidi.
