QR Densaýlyq saqtaý ministri Aleksei Tsoi qandai vaktsinadan keiin qansha adam qaza tapqanyn aityp berdi, dep habarlaidy QazAqparat.
«2021 jyldyń aqpan men qazan ailarynyń aralyǵynda vaktsina alǵan azamattardyń arasynda 930 ólim-jitim tirkeldi. Al vaktsina almaǵandardyń arasynda 13 165 adam kóz jumdy. Ózderińiz de aiyrmashylyqtyń 16 eseden joǵary ekendigin kórip otyrsyzdar. Vaktsinatsiia almaǵandardyń arasynda ólim-jitim óte kóp», - dedi ministr Ortalyq kommýnikatsiialar qyzmetindegi baspasóz máslihaty barysynda BAQ ókilderiniń saýalyna orai.
Onyń naqtylaýynsha, 47 adam «CoronaVac», 681 adam «Spýtnik V», 75 adam «Hayat-Vax», 2 adam «Vero Cell», 33 adam Vero Cell Sinopharm jáne 36 adam inaktivtelgen Sinopharm SARS-CoV-2 vaktsinasyn alǵannan keiin kóz jumǵan. Al QazVac-tan keiin 27 adam qaitys bolǵan.
Al QR Densaýlyq saqtaý ministrligi Sanitarlyq-epidemiologiialyq baqylaý komitetiniń tóraǵasy Aijan Esmaǵambetova vaktsinanyń 1 jáne 2-komponentin alǵannan keiin 40 734 adam virýsty qaita juqtyryp alǵanyn aitady.
