Almaty qalalyq qoǵamdyq densaýlyq saqtaý basqarmasynyń bastyǵy Nariman Tabynbaev onlain brifing barysynda aiaq qoly tartylǵan akýsher týraly aitty, dep habarlaidy "Ult aqparat".
«Perinatologiia jáne balalar kardiohirýrgiia ortalyǵynda akýsher bolyp qyzmet etetin qyzǵa qatysty negizgi komissiia jumysyn aiaqtady. Onyń jaǵdaiy men vaktsinatsiia arasynda tikelei bailanys joq. Komissiia onyń jaǵdaiyn qorqý reaktsiiasy retinde baǵalady. Derekterdiń tolyq qorytyndysyn kútemiz. Ol úiinde ata-anasynyń baqylaýynda», - dep jaýap berdi basqarma basshysy.
Buǵan deiin, áleýmettik jelide koronavirýsqa qarsy vaktsinadan keiin áieldiń aiaq-qoly tartylyp qalǵany týraly video taraǵan bolatyn. Keiin onyń perinatologiia jáne balalar kardiohirýrgiia ortalyǵynyń akýsheri ekeni anyqtaldy.
