Atyraý qalasyndaǵy saýda ortalyqtarynyń birinde COVID-19-ǵa qarsy vaktsina saldyrǵandar arasynda 1 mln teńgege utys oiyny ótkiziledi. Bul týraly saýda oiyn-saýyq ortalyǵynyń instagramdaǵy paraqshasynda habarlandy.
Atyraýlyqtarǵa arnalǵan utys oiyny 1 shilde men 1 qyrkúiek aralyǵynda ótedi. Oǵan qatysý úshin saýda ortalyǵyndaǵy vaktsinalaý beketinde ekpe saldyrý qajet. Odan soń qatysýshy kýpondy toltyryp, ekinshi bóligin arnaiy lototronǵa salady.
Utys oiynyna osy saýda ortalyǵynda vaktsina alǵan turǵyndar ǵana qatysady. Al 1 mln teńgelik qarjylai júldeniń iegeri 1 qyrkúiekte @baizaar_mall instagram paraqshasynda tikelei efirde anyqtalady, - deidi saýda oiyn-saýyq ortalyǵynyń ákimshiligi.
Vaktsinatsiialaý qujaty bar adamdar úshin qosymsha syilyq ta joq emes kórinedi. Saýda ornynda oinatylatyn avtokólikti vaktsina alǵany týraly qujaty bar adam utsa, utys salyǵynyń 50%-yn SOSO ózimiz tóleimiz dep otyr.
