© Sputnik / Kseniia Voronina
Saýda ortalyqtaryna vaktsinalanbaǵan balalardy kirgizýge shekteý engizý máselesi qarastyrylyp jatyr. Bul týraly densaýlyq saqtaý ministri Aleksei Tsoi málimdedi, dep habarlaidy Sputnik Qazaqstan.
"Qazirgi tańda tek eresekter úshin ǵana shekteý bar. Bolashaqta balalar úshin osyndai shekteý engizý qarastyrylyp jatyr", - dedi Tsoi úkimet kýlýarynda jýrnalisterge.
Aita keteri, qazir elde 12-den 18 jasqa deiingi balalardy erikti túrde Pfizer-men vaktsinalaý naýqany bastaldy.
15 qarashadan bastap saýda oiyn-saýyq ortalyqtaryna tek "jasyl" statýstaǵy adamdar kiredi. Buryn mundai shekteý demalys kúnderi engizilse, endi jumys kúnderi de qoldanylady.
Jýyrda Qazaqstanǵa Pfizer vaktsinasynyń 379 myń dozasy jetkizildi. Ekinshi partiia 20 qarashaǵa deiin jetkiziledi. Qazir bul preparatpen vaktsinalaý 7 óńirde – Jambyl, Qaraǵandy, Qyzylorda, Túrkistan oblystary men Almaty, Nur-Sultan, Shymkent qalalarynda bastaldy.
Búgingi tańda 1313 bala, 247 júkti jáne bala emizetin áielge Pfizer vaktsinasy egildi.
