Kóliktegi memlekettik bas sanitarlyq dáriger Sádýaqas Baiǵabylov poiyzdarda jolaýshylardy ornalastyrý tártibi týraly aityp berdi, dep habarlaidy "Ult aqparat".
«Vagondarda jolaýshylardy otyrǵyzý bilet pen ornalastyrý oryndarynyń bolýyna qarai iske asyrylady. Adamdardy oryndaryna otyrǵyzý boiynsha qosymsha talaptar eskerilmegen. Kýpe jáne platskart vagondarynda tek biletter boiynsha otyrǵyzylady», - dedi S. Baiǵabylov Ortalyq kommýnikatsiialar qyzmetinde.
Onyń sózine qaraǵanda, jolaýshylardy ornalastyrý standartty tártipte iske asyrylady.
«Maska taǵý rejimin, adamdardyń qozǵalysyn, poiyzdarda adamdardyń tyǵyz toptaspaýyna jol bermeýdi qadaǵalaý máselelelerin jolserikter retteidi», - dedi ol.
Sonymen qatar jolaýshylar ózderimen birge qajetti tamaǵyn alyp júre alatynyn jetkizdi.
