Nur-Sultan qalasynyń ákimi Altai Kólginov shahar turǵyndaryna úndeý jasady, dep habarlaidy "Ult aqparat".
«Qurmetti elorda turǵyndary men qonaqtary! Biz áli de «qyzyl» aimaqtamyz. Kúndelikti COVID-2019 infektsiiasynyń 250-300 jaǵdaiy anyqtalady. Bir jaǵynan, bul PTR testileriniń sanyn kóbeitý arqyly, ekinshi jaǵynan, oqshaýlaý men sanitarlyq normalardyń buzylýynan bolyp otyr. Ashyq jobasy arqyly karantin talaptarynyń óreskel buzylǵanyn kórip otyrmyz. Ózin-ózi oqshaýlaýy tiis (bailanysta bolǵan, juqtyrǵan) azamattar bar, biraq olar adam kóp jinalatyn oryndarǵa barýyn toqtatar emes. Osylaisha, koronavirýstyń taralýyna áser etip jatyr. Mundai adamgershilikke jatpaityn buzýshylyqtardy toqtatyp, jolyn kesemiz. Qala turǵyndaryn syrqattanǵan adamdardyń statistikasyna bei-jai qaramaýǵa shaqyramyn. Árbir sannyń artynda bir adamnyń ómiri, olardyń otbasylarynyń taǵdyry tur» dep jazady qala basshysy Instagram paraqshasynda.
Onyń aitýynsha, meditsinalyq ruqsaty joq jáne áli vaktsinatsiialanbaǵan adamdar otpen oinap júrgenin bilmeidi: olar erte me, kesh pe jeńiledi. Bul rette óz densaýlyǵyn ǵana emes, týystaryna, jaqyndaryna jáne qorshaǵan ortaǵa qaýip tóndiredi.
«Byltyr, iaǵni jaǵdai budan da aýyr kezde sanitarlyq normalardy saqtaýdan basqa amalymyz bolmaǵan edi, al 2021 jyldyń basynan bastap vaktsinatsiia bastaldy!
Vaktsinatsiia pýnktileri meditsinalyq mekemelerde, sondai-aq qala turǵyndaryna yńǵaily bolý úshin SOO, SÚ jáne adam kóp jinalatyn basqa da oryndarda ashyldy. Vaktsinatsiia bárine tegin júrgiziledi. Onyń birneshe túri bar.
Kórshiles elderde koronavirýstyń taralýy kúsheiip jatqanyn bilemiz. Shtammdardyń jańa túrleri paida bolady. Ózge elderde karantindik qosymsha shekteýler engizilip, jańa infektsiialyq statsionarlar ashylyp jatyr.
Koronavirýstyń eń aýyr kezeńinde elordada tórt myńnan astam tósek-oryn ashtyq. Infektsiialyq statsionarlarda non-stop rejiminde segiz myńnan astam meditsina qyzmetkeri jumys istedi.
Qazirgi ýaqytta bizdiń statsionarlarda 1000-ǵa jýyq adam em alýda. Tósek-oryn júktemesi - qazirdiń ózinde 50%.
Qalamyzǵa qosymsha shekteýler engizgimiz kelmeidi. Bul qala ekonomikasyna, turǵyndardyń ál-aýqatyna áser etedi. Sonymen qatar, kúzde jańa oqý jyly bastalady. Biraq balalarymyz úshin mektepterdi qaita asha almaimyz.
Ujymdyq immýnitet qalyptasqanǵa deiin qalamyz qalypty rejimge oralmaidy.
Vaktsinatsiia - adam ómirin qaýipti virýstan qutqaratyn jalǵyz panatseia. Biz eshbir dáleli joq, aýyzdan aýyzǵa taralǵan, internette, chattarda jazylǵan jalǵan áńgimelerge emes ǵylymi túrde dáleldengen qorǵaný tásiline senýimiz kerek. Virýs adam jasyna qaramaidy. Oǵan báribir. Ol meiirimdi bilmeidi!
Dostar, ózińizdiń, jaqyndaryńyz ben týystaryńyzdyń ómirine bei-jai qaramaýyńyz kerek! Biz ainalamyzdaǵy adamdar úshin jaýaptymyz. Vaktsinatsiia arqyly ózimizdi qaýipsizdendire otyryp, jaqyndarymyzdy qaterden saqtaimyz!» dep túiindedi sózin Altai Kólginov.
