Qazaqstanda osy jyldyń 3 aiynda 224 myńnan astam kólik tirkeldi, dep habarlaidy "Ult aqparat".
«2021 jylǵy qańtar-naýryzda Qazaqstan Respýblikasynda 224 421 jeńil avtomobil tirkelgen. Bul 2020 jyldyń tiisti kezeńmen salystyrǵanda 3,5 paiyzǵa kóp. Qazaqstan Respýblikasynda 2021 jylǵy 1 sáýirdegi jaǵdai boiynsha tirkelgen jeńil avtomobilderdiń sany 3 849,9 myń birlikti qurady» delingen QR Strategiialyq josparlaý jáne reformalar agenttiginiń ulttyq statistika biýrosy taratqan aqparatta.
Vedomstvo málimetinshe, 2021 jylǵy qańtar-naýryzda 2 621 jol-kólik oqiǵasy tirkelip, 3 968 adam zardap shekken.
Ótken jylǵy dál osyndai kezeńmen salystyrǵanda jol-kólik oqiǵasy 4,3 paiyzǵa kemigen.
«2021 jylǵy 1 sáýirdegi jaǵdai boiynsha kólik quraldary ieleriniń azamattyq-quqyqtyq jaýapkershiligin mindetti saqtandyrý boiynsha saqtandyrý uiymdary 8,8 mlrd teńge somasynda 19 627 saqtandyrý tólemin júzege asyrdy», - dep atap ótedi biýrodan.
