«Ál-Kaida» terrorlyq tobynyń jetekshisi Ýsama ben Ladenniń kózin joiýǵa arnalǵan áskeri operatsiia týraly kitap jazǵan arnaiy jasaqtyń otstavkadaǵy jaýyngeri qupiia aqparatty taratqany úshin AQSh biligine $6,6 mln tóleidi. Áskeri qyzmette júrgen kezde ol tiisti qujattarǵa qol qoiǵan, dep habarlaidy Ult.kz tilshisi sheteldik buqaralyq aqparat quraldaryna silteme jasap.
Kitap avtory Mark Oýen degen búrkenshik atpen shyqqan. Shyn aty – Met Bissonett. Kitapty jaryqqa shyǵarmas buryn avtor Pentagon jáne basqa da mekemelerge ondaǵy qupiia málimetterdiń bar-joǵyn tekserýge ruqsat bermegen. Osydan keiin bilik ókilderi ony sotqa berdi. Sot kezinde eki tarap mámilege keldi. Oǵan sáikes, Bissonett tórt jyldyń ishinde bilikke $6,6 mln. dollar aiyppul tólep berýge mindetti. Bul atalǵan kitapty satýdan túsetin paidamen birdei.
2011 jyly 2 mamyrda birneshe jyl jasyrynyp júrgen Ýsama ben Laden pákistandyq Abbotabad qalasynda amerikalyq arnaiy jasaqtyń qupiia operatsiiasy kezinde mert boldy.
