Shyńjań-Uiǵyr avtonomiialy aimaǵynyń (ShUAA) biligi koronavirýstyń qaita órshýi saldarynan ótken senbi kúni avtonomdyq aimaqtyń ortalyǵy Úrimji qalasynyń barlyq aýdanynda «áskeri ýaqyt rejimin» engizdi, dep habarlaidy jergilikti BAQ.
«Ótken táýlikte (2020 jyldyń 18 shildesindegi saǵat 24:00-degi jaǵdai boiynsha) Shyńjań-Uiǵyr avtonomiialy aýdanynda (Shyńjańdaǵy óndiristik-qurylys korpýsyn esepke alǵanda) koronavirýs juqtyrýdyń jańa 13 oqiǵasy men aýrý belgileri joq 18 adam anyqtalǵan. Barlyq oqiǵalar Úrimshi qalasynda tirkelgen», - delingen QHR ShUAA Densaýlyq saqtaý isteri jónindegi komitettiń málimdemesinde.
«Qazirgi kezde Úrimji qalasy «koronavirýstyń qaita órshýi sebebimen «áskeri ýaqyt rejimine» ótti, qoǵamdyq is-sharalardyń barlyq túri toqtatylǵan, aýdandarda qatań baqylaý júrgizilýde», - delingen «Jenmin Jibao» basylymynyń mikroblogynda.
Úrimji turǵyndaryna erekshe qajettilik bolmasa qaladan shyǵýǵa tyiym salyndy. Eger mundai qajettilik týyndasa, koronavirýsqa test tapsyrý qajet. Úrimji qalasynda koronavirýstyń órshýine bailanysty onda áýe jáne avtobýs tasymaly qysqartyldy.
QHR Densaýlyq saqtaý isteri jónindegi memleketttik komiteti jalpy sany 200 adamnan turatyn 10 meditsinalyq brigada quryp, ony Úrimji qalasynda jergilikti turǵyndardy koronavirýsqa testileýge kómek kórsetý úshin jibermek.
Jalpy alǵanda, jeksenbi kúngi málimetter boiynsha, Shyńjańda koronavirýstyń jańa órshýi kezinen beri avtonomiialy aýdanda virýsty juqtyrýdyń 30 rastalǵan oqiǵasy jáne aýrý belgilerinsiz júrgen 41 adam tirkelgen. 2,7 myńnan astam adam meditsinalyq baqylaýda.
Eske sala ketsek, Shyńjańda jańa koronavirýstyń órshýine deiin avtonomiialyq aimaqta COVID-19 virýsynyń jańa oqiǵalary 149 kún tirkelmegen edi.
