Úndistanda jańa koronavirýs infektsiiasyn juqtyrǵandar sany 1 003 832 adamǵa jetti, dep habarlaidy "Ult aqparat" Úndistan densaýlyq saqtaý ministrliginiń saityna silteme jasap.
Ministrliktiń juma kúngi málimetterine qaraǵanda, indetke shaldyqqandar sany bir táýlikte rekordtyq - 34 956 adamǵa jetken.
Koronavirýs infektsiiasynan qaitys bolǵandar sany sońǵy táýlikte 687 adamǵa kóbeiip, 25 602 adam bolǵan. Aýrýhanalarda 342 473 naýqas em alyp, 635 757 adam saýyǵyp shyqty.
Vedomstvonyń habarlaýynsha, elde aýrýǵa shaldyqqandar sany jaǵynan batystaǵy Maharashtra shtaty (284 281 adam) kósh bastasa, ekinshi orynda Tamilnad (156 369 adam) jáne Deli (118 645 adam) tur.
