Jeksenbi kúni Úndistan COVID-19 koronavirýsynyń jańa shtamynyń taralýyn toqtatý úshin elde qatań karantin sharalaryn taǵy eki aptaǵa uzartý týraly jariialady, – dep habarlaidy WAM agenttigi.
Elde karantin 25 naýryzda engizilgen bolatyn. Biraq osy aidyń basynda karantin sharalary birtindep alyna bastaǵan edi. Úndistanda COVID-19 virýsyn juqtyrýdyń jańa jaǵdailary táýligine rekordty kórsetkish - 4 987 adamǵa jetkende, eldiń ishki ister ministrligi karantindi uzartý týraly sheshim qabyldady.
Sońǵy derekter boiynsha Úndistanda koronavirýstan kóz jumǵandar sany 2872 adamǵa jetti. Densaýlyq saqtaý jáne áleýmettik qamtamasyz etý ministrligi qazirgi ýaqytta 34 108 patsient saýyǵyp shyqqanyn atap ótti.
Ishki ister ministri Adjai Bhalla karantinniń aiaqtalýyna alty saǵat qalǵanda (jeksenbi kúni saǵat 12:00-de) ishki jáne halyqaralyq áýe tasymaldaý qyzmeti mamyr aiynyń sońyna deiin toqtaitynyn málimdedi.
Sondai-aq qalalarda metro da júrmeidi. Barlyq oqý orny áli ashylmaidy, onlain oqý oqytý jalǵasa beredi. Qonaqúiler, meiramhanalar, kinozaldar, saýda ortalyqtary, sportzaldar, basseinder, teatr men sport keshenderi de burynǵysha belgilengen karantin rejimi aiaqtalǵanǵa deiin jabyq kúiinde qalady.
Dini sharalar ótkizýge 31 mamyrǵa deiin tyiym salynǵan. Úndistanda qatań komendanttyq saǵat kún saiyn saǵat 19:00-den 07:00-ge deiin engiziledi.
