Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin koronavirýstyń «úndi» shtamymen aýyratyn naýqastar bólek emdelmeitinin aitty, dep habarlaidy "Ult aqparat".
«Úndi shtamyn juqtyrǵandardy bólek jatqyzyp, bólek em júrgizbeimiz. Ondai nusqa qarastyrylmaǵan. Búgingi kúni emdeý hattamasy is júzinde birdei. Virýsqa qarsy terapiia, sondai-aq basqa ádister qoldanylady. Negizi bul suraq dárigerlerge baǵyttalýy kerek. Men aita alatyn jalǵyz nárse - bul burynǵy shtamdardan aiyrmashylyǵy, bul jerde diareia simptomy qosyldy. Jalpy, emdeý britandyq shtamm jáne basqa da nusqalary siiaqty júzege asyrylady», - dep jaýap berdi Jandarbek Bekshin.
