Úndistanda koronavirýs órship, qoǵamnyń túrli tobyna taralyp jatyr, dep habarlaidy Euronews.
Senbi kúni Bollivýd juldyzy, úndi kinosy tarihyndaǵy eń tanymal akterlerdiń biri Amitabh Bachchannan COVID-19 tabyldy. Keiinirek onyń uly – akter jáne prodiýser Abhishek Bachchan koronavirýsqa jasaǵan testi oń nátije bergenin habarlady.
Jeksenbi kúni onyń kelini – fotomodel jáne aktrisa Aishvariia Rai men 8 jasar nemeresiniń aýrý juqtyryp alǵany belgili boldy. Olardyń barlyǵy Mýmbai aýrýhanasyna jatqyzyldy.
Kinojuldyz tabynýshylary súiikti akterleriniń aýrý juqtyryp alǵanyna tańǵaldy.
Radjesh Kedar, rikshi júrgizýshi: «Koronavirýs Mýmbaida óte tez taralyp jatyr, tipti Amitabh Bachchan da juqtyryp aldy».
Abdýl Raýff, Amitabh Bachchannyń tabynýshysy: «Onyń filmderin birneshe urpaq boiy tamashalap kelemiz – meniń atama, ákeme jáne maǵan onyń filmderi unaidy».
Úndistan aýrý juqtyrý boiynsha úshinshi orynda – ol jaqta 850 myńnan astam adam COVID-19-ǵa shaldyqqan. Sońǵy kúnderi koronavirýstyń taralýy rekordtyq kórsetkishke jetken – bir táýlikte 29 myń adamnan anyqtalǵan. Qurbandar sany 23 myńǵa jaqyndady. Sarapshylardyń aitýynsha, epidemiia áli óz shyńyna jetpegen.
