Foto: ashyq derekkóz
Ulytaý oblysynyń prokýratýrasy memleket kirisine qarajat óndirýge qatysty atqarýshylyq qujattardyń oryndalý barysyna taldaý júrgizdi, dep habarlaidy Ult.kz.
Taldaý barysynda sot oryndaýshylarynyń óndirisinde memleket paidasyna óndirýge jatatyn jalpy somasy 2,1 mlrd teńgeni quraityn 3 678 atqarýshylyq qujattyń bar ekeni anyqtaldy.
Qoldanystaǵy zańnamaǵa sáikes, atqarýshylyq qujattardyń oryndalýyn qamtamasyz etý maqsatynda boryshkerlerdiń múlkine, onyń ishinde aqsha qarajattaryna, baǵaly qaǵazdaryna tyiym salý, sondai-aq májbúrlep oryndatýdyń ózge de sharalaryn qoldaný kózdelgen.
Alaida birqatar jaǵdailarda atalǵan qamtamasyz etý sharalary tolyq kólemde qabyldanbaǵany anyqtaldy, bul sot aktileriniń ýaqtyly oryndalýyna keri áserin tigizgen.
Prokýrorlyq qadaǵalaý sheńberinde memleket kirisine edáýir somalardy óndirýge qatysty atqarýshylyq is júrgizýler anyqtalyp, boryshkerlerdiń atyna tirkelgen múlikke qatysty shekteý sharalarynyń ýaqytyly qoldanylmaǵany belgili boldy.
Prokýrorlyq qadaǵalaý aktileri boiynsha boryshkerlerge tirkelgen jyljymaly jáne jyljymaityn múlikke zańda kózdelgen shekteý sharalary, onyń ishinde avtokólik quraldaryn paidalanýǵa shekteýler engizildi.
Qabyldanǵan sharalardyń nátijesinde memleket kirisine 150 mln teńge óndirilip, oblys biýdjetine túsýi qamtamasyz etildi.
