Memleket basshysynyń Jarlyǵymen Eset Berikuly Baiken Ulytaý oblysynyń ákimi bolyp taǵaiyndaldy, dep habarlaidy ult.kz.
Sonymen qatar Prezidenttiń taǵy bir Jarlyǵymen Dastan Adaiuly Ryspekov Ulytaý oblysynyń ákimi qyzmetinen bosatyldy.
Eset Berikuly Baiken 1986 jyly Qaraǵandy oblysynyń Nura aýdanyndaǵy Barshyn aýylynda dúniege kelgen.
2008 jyly Qazaq gýmanitarlyq zań ýniversitetin, 2010 jyly E.A. Bóketov atyndaǵy Qaraǵandy memlekettik ýniversitetin támamdaǵan. Ekonomika bakalavry, quqyqtaný bakalavry.
Eńbek jolyn 2008 jyly Astana qalasynyń ekonomika jáne biýdjettik josparlaý basqarmasynda jetekshi, sonan soń bas maman retinde bastady.
2010 jyldan beri «Astana qalasy ákimdigi apparaty» MM áleýmettik-mádeni sala bóliminiń bas mamany.
2013 jyly Astana qalasy ákiminiń bas inspektory, «Astana qalasy ákimdigi apparaty» MM uiymdastyrý-inspektorlyq bóliminiń jetekshisi bolyp taǵaiyndaldy.
2016 jyly QR Prezident Ákimshiligi jetekshisiniń hatshylyq sarapshysy boldy.
2017 jyldan bastap Nura aýdany ákimi laýazymyna taǵaiyndalǵanǵa deiin QR Prezidenti Apparatynyń Memlekettik baqylaý jáne uiymdastyrý-aýmaqtyq jumys bóliminiń memlekettik inspektory qyzmetin atqarǵan.
Memlekettik baqylaý jáne uiymdastyrý-aýmaqtyq jumys bólimi memlekettik inspektory, Qazaqstan Respýblikasy Prezidenti Ákimshiligi (02.08.2017–31.01.2019)
Qaraǵandy oblysy Nura aýdanynyń ákimi (01.02.2019–03.07.2019)
Nur-Sultan qalasy ákimi apparaty basshysynyń orynbasary (04.07.2019–28.08.2019)
Nur-Sultan qalasy ákimi apparatynyń basshysy (29.08.2019–10.2020)
Nur-Sultan qalasy «Saryarqa» aýdanynyń ákimi (10.2020–02.2022)
Astana qalasy ákiminiń orynbasary (02.2022 bastap)
Memleket basshysynyń Jarlyǵymen Bolat Oraluly Aqsholaqov Atyraý oblysynyń ákimi laýazymyna taǵaiyndalǵanyn jazǵan edik.
