Foto: ashyq derekkózden
Ulytaý oblysy 2025 jyldyń IV toqsanynyń qorytyndysy boiynsha ortasha ailyq jalaqy deńgeii joǵary aimaqtardyń qataryna endi. Aimaq turaqty túrde jalaqy deńgeii boiynsha TOP-3 orynda bolyp keledi, bul ekonomikanyń qurylymy men ónerkásip sektorynyń joǵary úlesin kórsetedi, dep habarlaidy Ult.kz.
Qazaqstan Respýblikasynda ortasha ailyq nominaldy jalaqy 473 158 teńgeni qurady, bul 2024 jyldyń sáikes kezeńimen salystyrǵanda 8,8%-ǵa artty.
Ulytaý oblysyndaǵy joǵary kórsetkishterdiń kóp bóligi damyǵan taý-ken óndirisimen bailanysty, onda jalaqy deńgeii dástúrli túrde respýblikalyq orta kórsetkishten joǵary bolyp keledi. Mysaly, taý-ken sektorynda ortasha jalaqy shamamen 978 962 teńge bolyp, bul el boiynsha ortasha deńgeiden eki eseden astam joǵary.
Ekspertterdiń aitýynsha, aimaqtaǵy turaqty joǵary tabys deńgeii iri ónerkásiptik kásiporyndardyń qyzmetimen jáne investitsiialyq jobalardy iske asyrýmen tikelei bailanysty.
Aita ketý kerek, Ulytaý oblysyndaǵy negizgi jumys berýshi — Qazaqmys Korporatsiiasy, onyń kásiporyndarynda aimaqtyń eńbekke qabiletti halqynyń eleýli bóligi jumys isteidi. Kompaniia jumys oryndaryn qamtamasyz etip, turaqty jalaqy deńgeiin ustap turady jáne áleýmettik-infraqurylymdyq jobalardy júzege asyrady.
