Ulybritaniia Premer-ministri Boris Djonson ótken jyldyń naýryz aiynda Sovid-19 pandemiiasyna bailanysty engizilgen barlyq shekteýlerdi jeńildetý sharalaryn bir aiǵa shegerdi. Bul týraly ol baspasóz máslihaty barysynda málimdedi, dep habarlaidy Sanitariialyq-epidemiologiialyq baqylaý komiteti.
Barlyq shekteýler 21 maýsymda alynada dep josparlanǵan bolatyn. Alaida úkimet Ulybritaniiada koronavirýstyń úndi shtammynyń taralýyna bailanysty «taǵy birshama ýaqyt kútken durys» dep sanaidy.
Endi shekteýler 19 shildede jeńildetiledi dep kútilýde. Premer-ministrdiń málimdeýinshe, 19 shildege deiin eldiń barlyq eresek turǵyndary vaktsinanyń alǵashqy dozasyn alady dep josparlanǵan.
Filippindegi Manila meditsinalyq joǵary oqý oryndarynyń stýdentteri eldegi koronavirýstyq infektsiialardyń kezekti tolqynyna qaramastan kúndizgi oqýǵa oraldy. Oqý ornyna oralmas buryn stýdentterdiń barlyǵy vaktsinatsiiadan ótken bolatyn. Alaida olar úshin aýditoriialarda betperdeni kiiý talaby alynǵan joq. Sondai-aq, stýdentterge ýniversitet aýmaǵynan ketýge tyiym salynady. Oqytýshylar osylaisha bilim alýshylarǵa tájiribelik turǵyda daǵdylandyrmaq. Sonymen qatar, koronavirýstyq infektsiiamen kúresý úshin múmkindiginshe kóp mamany daiyndaǵysy keledi. Aita keteiik, ótken táýlikte Filippinde Sovid-19-dy juqtyrýdyń 6,5 myńǵa jýyq oqiǵasy tirkeldi. Al pandemiia basynan indetke shaldyqqandardyń jalpy sany millionnan asty.
Tallinde bir ret qoldanylatyn maskalardy joiýǵa arnalǵan 100 Mabin konteineri ornatylady. Qala ákimshiliginde atap ótkendei, tiisti kelisim Nyperon OU kompaniiasymen jasalǵan.
Konteinerler vaktsinatsiia ortalyqtarynyń, meditsinalyq, sporttyq jáne mádeni mekemelerdiń, mýzeilerdiń, sondai-aq áleýmettik qamsyzdandyrý mekemeleriniń janyna qoiylmaq. Kúzde konteinerler mektepterdiń janynda paida bolady dep josparlanýda.
Jinalǵan qorǵanys maskalary qaita óńdeýge jiberilmek. Olar plastikalyq ónimderge shikizat bola alady.
