«Uly Qytai qorǵany bir kirpishinen keiin bir kirpishi alynyp, aqyry quryp bitedi», - dep habarlady CNN telekompaniiasy.
Telearna tilshisi súienip otyrǵan mánbe boiynsha, osyǵan bailanysty qazir Qytaida kóne zamandardaǵy qorǵanys bekinisterin qylmystyq dárejede talan-tarajǵa salyp, urlap ketýden qorǵaý jóninde jańa bir naýqan bastalyp ketkenge uqsaidy.
Solardyń eń aldyńǵy leginde turǵan Uly Qytai qorǵany imperiiany syrtqy jaýdan, kóshpendiler shabýylynan qorǵaý úshin bizdiń dáýirimizge deiingi úshinshi ǵasyrda salynǵan. Alaida, qansha tyiym salynǵanyna qaramastan, bul qorǵanǵa jergilikti turǵyndar tarapynan shabýyl jasaý toqtatylmai keledi. Jurt úi salý úshin onyń kirpishterin kertip alýlaryn qoiatyn emes. Al shetelderden kelgen týrister ony kádesyi retinde alýǵa qumartyp turady eken. Osylaisha qanshama ǵasyrlardan beri jaýyn men jeldiń, kún men ystyqtyń saldarynan birtindep mújilip kele jatqan ataqty qorǵan adamdar tarapynan da dákki kórýde.
Resmi statistikaǵa sáikes, qorǵannyń 30 paiyzy Min áýleti kezinde joq bolyp ketipti. Onyń 10 paiyzdan kemdeý aýqymynyń ǵana qazir jaǵdaiy jaqsy kórinedi.
