Ulttyq testileý ortalyǵynyń direktory Didar Smaǵulov biylǵy UBT-ny ótkizý tártibi jaiyndy túsinik berdi, dep habarlaidy QazAqparat.
«Karantindik shekteýlerge bailanysty eldiń barlyq aimaqtaryndaǵy UBT ótkizý oryndarynda kúsheitilgen meditsinalyq-sanitarlyq sharalar engiziledi. Ǵimaratqa kirgizý kezinde test tapsyrýshylardyń arasyndaǵy eki metrlik araqashyqtyqty qatań saqtaý arqyly maskaly rejim júzege asyrylady. Ár test tapsyrýshy 5 baqylaý kezeńinen ótetin bolady, onyń ishinde syrtqy kiimdi dezinfektsiialyq eritindilermen zalalsyzdandyratyn arnaiy dáliz arqyly ótý eskerilgen», - dedi D. Smaǵulov Ortalyq komýnikatsiialar qyzmetinde.
Sonymen qatar ol talapker aiaq kiimin de dezinfektsiialaitynyn, odan keiin qolyn sanitaizermen súrtetinin jetkizdi.
«Kelesi kezeńde test tapsyrýshyrar termobaqylaýdan ótýi tiis. Eger dene qyzýy anyqtalǵan jaǵdaida, oǵan kezekshi meditsinalyq qyzmetkerler brigadasy dereý kómek kórsetedi. Odan keiingi árketter tek mamandardyń berilgen talaptaryna sai oryndalady», - dedi ortalyq direktory.
Barlyq meditsinalyq-sanitarlyq kezeńderden ótkennen keiin, testileý kezinde respiratorlyq nemese bir ret qoldanylatyn maskalar usynylady.
«Bir ret paidalanylatyn maskalardy testileý barysynda aýystyrýǵa múmkindik qarastyrylǵan. Test tapsyrýshylar sáikestendirýden ótedi, tekserýshi men test tapsyrýshylar arasyndaǵy araqashyqtyq saqtalady. Ár qabattaǵy dálizderde sanitaizerler ornatylady. Aýditoriiada test tapsyrýshylardy otyrǵyzý keminde eki metr araqashyqty saqtaý arqyly júzege asyrylady. Bul rette aýditoriia únemi jeldetiledi», - dedi Didar Smaǵulov.
