16 maýsymda Ulttyq keńes músheleri Qaraǵandy oblysynyń qoǵam belsendilerimen kezdesip, Prezident bastamalarynyń júzege asyrylý barysyn talqylady, dep habarlaidy "Ult aqparat".
UQSK músheleri óńirge sapar barysynda oblys ákimi Jeńis Qasymbekovpen kezdesti. Kezdesýde ákim ekonomikalyq damýdyń negizgi baǵyttary men negizgi infrastrýktýralyq jobalardyń júzege asyrylýy týraly aitty.
Odan keiin Qaraǵandy oblysynyń qoǵamdyq keńes ókilderimen kezdesý boldy. Kezdesýge qatysýshylar qoǵam belsendileri, sarapshylar jáne jergilikti atqarýshy organdar ókilderimen aradaǵy qarym-qatynastyń tiimdiligin arttyrý jóninde oilarymen bólisti. Odan bólek, kezdesý kezinde monoqalalardy damytý, ishki jáne syrtqy kóshi-qondaǵy úrdister týraly sóz qozǵaldy.
Sonymen qatar «Biznes Bastaý» jobasynyń qatysýshylarymen kezdesý ótti. Onda óńirde shaǵyn kásipkerlikti ashý jáne damytý suraqtary talqylandy.
Sapar barysynda Ulttyq keńes músheleri Abai aýdanynda boldy. Onda olar aýyldyq okrýg ákimderimen kezdesip, aýyl ákimderin tikelei sailaýdy uiymdastyrýǵa daiyndyq úderisin talqylady.
Odan keiin Kóksý aýylynda UQSK músheleri «Shans» sharýa qojalyǵynyń jumysymen tanysty. Kezdesý kezinde sharýalar aýyl sharýashylyǵy, agroónerkásiptik keshendi memlekettik qoldaý sharalary týraly suraqtardy kóterdi.
Sapar barysynda UQSK músheleri qoǵam belsendilerine, «Biznes Bastaý» jobasynyń qatysýshylaryna, sharýalarǵa saiasi jáne ekonomikalyq baǵyttar boiynsha prezidenttik bastamalardyń júzege asyrylýy týraly aityp berdi.
Jaqyn arada Ulttyq keńes músheleri elimizdiń basqa óńirlerine de sapar jasaýdy josparlap otyr.
