Foto: ashyq derekkóz
Qasym-Jomart Toqaevtyń 2026 jylǵy 9 aqpandaǵy Jarlyǵymen Qazaqstan Respýblikasy Ulttyq qaýipsizdik komiteti týraly erejege ózgerister men tolyqtyrýlar engizildi, dep habarlaidy Ult.kz.
Qazaqstan Respýblikasy Ulttyq qaýipsizdik komiteti — Qazaqstan Respýblikasy Prezidentine tikelei baǵynatyn jáne esep beretin, óz ókilettikteri sheginde ulttyq qaýipsizdik organdarynyń biryńǵai júiesine, barlaý, qarsy barlaý jáne jedel-izdestirý qyzmetine, Memlekettik shekarany qorǵaý jáne kúzetý salasyna, úkimettik bailanysty qamtamasyz etý men shifrlaý jumysyn uiymdastyrýǵa, sondai-aq aqparattandyrý salasyndaǵy memlekettik baqylaýǵa (aqparattyq-kommýnikatsiialyq infraqurylymnyń asa mańyzdy obektileriniń aqparattyq qaýipsizdigi bóliginde), terrorizm aktileriniń jáne jeke adamǵa, qoǵam men memleketke qarsy ózge de asa qaýipti qylmystyq qol suǵýshylyqtardyń jolyn kesýge basshylyqty júzege asyratyn arnaýly memlekettik organ.
Sonymen qatar, UQK ulttyq qaýipsizdik organdary aviatsiiasynyń qyzmetin uiymdastyrady, sybailas jemqorlyq quqyq buzýshylyqtardy anyqtaidy, jolyn kesedi, ashady jáne tergeidi, memlekettik qupiialardyń qorǵalýyn qamtamasyz etedi ári Qazaqstan Respýblikasynda olardy qorǵaý jónindegi ýákiletti organ sanalady.
Endi Komitet aqparattyq qaýipsizdikti qamtamasyz etý jáne jedel-izdestirý is-sharalaryn júrgizýge arnalǵan arnaiy tehnikalyq quraldar salalarynda berilgen ruqsattar boiynsha memlekettik baqylaýdy júzege asyrýǵa quqyly. Atalǵan baqylaý berilgen ruqsattar sheńberinde biliktilik nemese ruqsat berý talaptaryna sáikestigin tekserý túrindegi tekserýler jáne Qazaqstan Respýblikasynyń Kásipkerlik kodeksine sáikes júrgiziletin jospardan tys tekserýler nysanynda júzege asyrylady.
Qazaqstan Respýblikasy Ulttyq qaýipsizdik komitetiniń jańa fýnktsiialaryna mynalar jatady:
— aqparattyq-kommýnikatsiialyq infraqurylymnyń asa mańyzdy obektileriniń aqparattyq qaýipsizdigi bóliginde aqparattandyrý salasynda memlekettik baqylaýdy júzege asyrý;
— aqparattyq-kommýnikatsiialyq infraqurylymnyń asa mańyzdy obektileriniń aqparattyq qaýipsizdigi bóliginde aqparattandyrý salasyndaǵy Qazaqstan Respýblikasy zańnamasynyń talaptary buzylǵan jaǵdaida nusqamalar berý;
— aqparattyq-kommýnikatsiialyq infraqurylymnyń asa mańyzdy obektileriniń aqparattyq qaýipsizdigi bóliginde aqparattandyrý salasyndaǵy Qazaqstan Respýblikasy zańnamasynyń talaptary buzylǵany anyqtalǵan kezde oryndalýy mindetti nusqamalardy joldaý.
Jarlyq 2026 jylǵy 9 aqpannan bastap qoldanysqa engizildi.
Buǵan deiin UQK qazaqstandyqtardyń jeke derekterin qorǵaityn jańa qurylym jasaqtaýy múmkin ekenin jazǵanbyz.
