Foto: ashyq derekkóz
Qazaqstan Ulttyq elektrondy kitaphanasyn paidalanýshylar sany jyl basynan beri 227 446 oqyrmanǵa jetti, dep habarlaidy Ult.kz.
Avtorlardyń ruqsatymen júktelgen qujattar kórsetkishi 329 485 bolsa, jalpy materialdar 1 408 540 ret qaraldy.
Ulttyq elektrondy kitaphanany álemniń ártúrli elderindegi paidalanýshylar da qoldanady. Olardyń qatarynda Qytai, Resei, AQSh, Vetnam, Ózbekstan, Túrkiia, Niderland, Frantsiia jáne Qyrǵyzstan memleketterinen tirkelgen oqyrmandar bar.
Kitaphana qory 64 tildegi 84 664 qujatty quraidy. Onyń ishinde túrli baǵyttaǵy kitaptar, maqalalar, gazet-jýrnaldar, dissertatsiialar, nota jáne aýdio-videolar men arhivtik qujattar jinaqtalǵan.
QazUEK – qazaqstandyq mazmundaǵy keń kólemdi aqparattar usyna alatyn tuńǵysh memlekettik kitaphana portaly. Portaldyń ereksheligi – kórý qabileti buzylǵan jandarǵa beiimdelip jasalýynda. Kez kelgen paidalanýshy portalǵa tirkelýsiz tolyq mátindi qujattarmen tanysa alady.
