Astana qalasynyń ákimdigi, Tilderdi damytý basqarmasy uiymdastyrǵan buqaralyq aqparat quraldary arasyndaǵy «Til tuǵyry-2016» baiqaýynyń qorytyndysy jariialandy.
Ult.kz táýelsiz internet-basylymy «Memlekettik tildiń qoldanys aiasyn keńeitýge úles qosqan úzdik sait maqalalary" nominatsiiasy boiynsha jeńimpaz atandy.
Sondai-aq, shet elderdegi qandastarymyzǵa arnap latyn jáne tóte jazý qarpimen jańalyqtar taratyp, sol arqyly qazaq tiliniń ózge memleketterde qanat jaiýyna yqpal etkeni úshin «Memlekettik tildiń qoldanys aiasyn keńeitýge úles qosýshy úzdik BAQ» atalymy boiynsha «QazAqparat», «Qazaqstan» ulttyq telearnasy, «24.kz» telearnasy, «Qazaq radiosy», «Ana tili» gazeti marapattaldy.
Sonymen birge Astana telearnasynyń «Bizdiń ýaqyt» baǵdarlamasy, «Qazaqstan» ulttyq telearnasynyń «Tańsholpan» baǵdarlamasy, Astana radiosynyń «Birlik» baǵdarlamasy «Memlekettik tildiń qoldanys aiasyn keńeitýge úles qosýshy úzdik baǵdarlama» atalymy boiynsha úzdik shyqty. Egemen Qazaqstan gazetinde jariialanǵan «Til-ult tutastyǵynyń tuǵyry» maqalasy da marapattaldy.
Al, Muhammedáli Bolatuly, Vladislav Tsoi, Sholpan Aqbalaeva, Aiymgúl Ábilova syndy tilshiler «Memlekettik tildiń qoldanys aiasyn keńeitýge úles qosýshy úzdik jýrnalist» retinde marapattaldy.
Áriptesterimizdi jeńisimen quttyqtaimyz!
Ult portaly
