Foto: ashyq derekkóz
Jetisý oblysy turǵyny týǵan uldarynan jábir kórip júrgenin aityp, kópshilikke úndeý jasady. 62 jastaǵy er adamnyń aitýynsha, ol birneshe jyldan beri óz balalarynyń qysymyna ushyrap kelgen, dep habarlaidy Ult.kz.
Jábirlenýshiniń videosyn jergilikti bloger Ádil Beisenbaev Instagram jelisindegi paraqshasynda jariialaǵan. Beinejazbada er adam Aqsý aýdanynyń turǵyny ekenin aityp, eki ulynyń ózine únemi qysym kórsetetinin jetkizedi.
Onyń sózinshe, buǵan deiin de birneshe ret shaǵym túsirgen. Alaida uldary qysqa merzimge qamaýǵa alynyp, keiin qaita bosatylyp otyrǵan. Sonyń saldarynan janjal qaita jalǵasqanyn aitady.
Áleýmettik jelide taraǵan aqparatqa sáikes, jábirlenýshiniń aǵasy bir joly ony qorǵaýǵa tyrysqan. Alaida janjal kezinde pyshaq jaraqatyn alǵany aitylýda. Bul oqiǵa Jansúgirov aýyly aýmaǵynda bolǵan.
Politsiianyń málimetinshe, 12 aqpanda Aqsý aýdanynyń 62 jastaǵy turǵynynyń aryzy boiynsha qylmystyq is qozǵalǵan. Tergeý barysynda zańsyz áreketterdi onyń 31 jáne 34 jastaǵy eki uly jasaǵany anyqtalǵan.
Sot sheshimimen ekeýi de kináli dep tanylyp, qamaýǵa alý jazasy taǵaiyndalǵan. Sonymen qatar olarǵa jábirlenýshige jaqyndaýǵa tyiym salý siiaqty arnaiy talaptar da belgilengen. Qazirgi ýaqytta is politsiianyń baqylaýynda.
Sońǵy ýaqytta el óńirlerinde ata-anaǵa qol kóterý derekteri jiilep bara jatqany qoǵamdy alańdatpai qoimaidy. Bul jaǵdai da otbasyndaǵy zorlyq-zombylyq máselesiniń áli de ózekti ekenin kórsetip otyr.
