Qazaqstanǵa Ujymdyq qaýipsizdik týraly shart uiymyna (UQShU) múshe memleketterdiń «Izdeý-2018» Ujymdyq jedel áreket etý kúshteriniń oqý-jattyǵýyna qatysý úshin sheteldik áskeriler keldi, dep habarlaidy "Ult aqparat" Desanttyq-shtýrmdyq áskerdiń baspasóz qyzmetine silteme jasap.
Qazaqstan aýmaǵynda UQShU-ǵa múshe memleketter Qarýly Kúshteri barlaý bólimsheleriniń kúsh-quraldary ótkizetin taktikalyq-arnaýly jattyǵýǵa Armeniia, Belarýs, Qazaqstan, Qyrǵyzstan, Resei jáne Tájikstan barlaýshylary qatysady.
Barlaý qyzmetteri men arnaiy jasaqtar qatysatyn UQShU-nyń taktikalyq-arnaýly jattyǵýyna barlaý bólimsheleri men bólimderiniń jeke quramynan úsh myńǵa jýyq adam qatysady. Jattyǵýǵa 500-ge jýyq áskeri tehnirka jumyldyrylady. Sonyń ishinde reseilik eki Sý-24MR barlaý ushaǵy, «Orlan-10» jáne «Forpost» ushqyshsyz basqarylatyn apparattar.
Oqý-jattyǵýdyń saltanatty ashylý rásimi 1 qazan kúni «Gvardeiskii» poligonynda ótedi.
