Foto: Polisia.kz
Qazaqstan Respýblikasy Ishki ister ministrligi Ýkraina Ulttyq politsiiasynyń Qylmystyq izdestirý departamenti jáne eki eldiń Bas prokýratýralarymen birlesip júrgizgen aýqymdy arnaiy operatsiia nátijesinde Ýkraina aýmaǵynda áreket etken transulttyq uiymdasqan qylmystyq toptyń call-ortalyqtary joiyldy, dep habarlaidy Ult.kz.
31 naýryz kúni Dnepr qalasynda Qazaqstan, Ýkraina jáne Eýropalyq odaq elderiniń azamattaryna qarsy internet-alaiaqtyq jasaǵan úsh call-ortalyqtyń qyzmeti toqtatyldy. QR IIM-niń jedel áreket etýiniń arqasynda aýyr zardaptardyń aldyn alý múmkin boldy.
Tergeý barysynda qylmystyq top músheleriniń uzaq ýaqyt boiy jalǵan investitsiialyq kompaniialardyń qyzmetkerleri retinde áreket etkeni anyqtaldy. Olar azamattardy aldap, jeke derekterine, jeke kabinetteri men bank shottaryna qol jetkizip, aqshasy men tsifrlyq aktivterin iemdengen.
Sonymen qatar, romantikalyq tanystyq arqyly aldaý jáne kriptovaliýtaǵa jalǵan investitsiia usyný siiaqty shemalar qoldanylǵan. Qaskóiler tanymal investitsiialyq platformalar men kriptobirjalardy imitatsiialaityn fishingtik saittardy paidalanyp, jábirlenýshilerdiń aktivterin tolyq baqylaýǵa alǵan.
Jedel-izdestirý sharalary barysynda uiymdasqan qylmystyq toptyń jetekshileri men belsendi qatysýshylary anyqtaldy. Dnepr qalasynda bir mezette 40 mekenjai boiynsha tintý júrgizildi.
