Foto: E-history.kz
Biylǵy jyldyń basynan beri Ulttyq qaýipsizdik komiteti tergegen qylmystyq ister boiynsha terroristik jáne ekstremistik qylmystar jasaǵany úshin 17 adam túrli merzimge bas bostandyǵynan aiyryldy dep habarlaidy Ult.kz.
Olardyń arasynda Almaty qalasynyń turǵyny bar. Ol 2017 jyly halyqaralyq terroristik uiymdar jaǵynda soǵys qimyldaryna qatysý úshin shetelge ketken. 2025 jyly sheteldik seriktestermen birlesken operatsiia barysynda ustalyp, Qazaqstanǵa jetkizilgen. Sot sheshimimen ol 8 jylǵa bas bostandyǵynan aiyryldy.
Sondai-aq Kókshetaý qalasynyń taǵy bir turǵyny 2013 jyly shetelge ketip, internet arqyly terrorizm men dini ekstremizmdi nasihattaǵan. Ol da halyqaralyq áriptestermen birlesken is-shara nátijesinde ustalyp, elge jetkizildi. Sot ony 9 jyl 6 aiǵa bas bostandyǵynan aiyrý jazasyna kesti.
Budan bólek, Astana, Almaty jáne Shymkent qalalarynda, sondai-aq Aqmola men Ulytaý oblystarynda terroristik qylmysqa qatysy bar 6 dini radikal ustaldy.
Sonymen qatar, qylmystyq-atqarý júiesi mekemelerinde jazasyn ótep jatqan taǵy 4 adamǵa sottalǵandar arasynda terrorizmdi nasihattady jáne dini alaýyzdyq qozdyrdy degen aiyp taǵyldy. Tergeý málimetinshe, olar internette jáne óz ortasynda ekstremistik materialdar taratyp, óz kózqarastaryn qoldamaityndarǵa qarsy kúsh qoldanýǵa úndegen.
Atalǵan faktiler boiynsha Qylmystyq kodekstiń 174 jáne 256-baptary aiasynda sotqa deiingi tergep-tekserý júrgizilýde. Qylmystyq-protsestik kodekstiń 201-babyna sáikes ózge aqparat jariia etilmeidi.
